सुपरमाई हाइड्रोको आईपीओमा पहिलाे दिन कति पर्याे आवेदन ?

सुपरमाई हाइड्रोको आईपीओमा पहिलाे दिन कति पर्याे आवेदन ?

सुपरमाई हाइड्रोपावर कम्पनी लिमिटेडले आज माघ २३ गतेदेखि लागि साधारण सेयर (आईपीओ) निष्कासन गरेकाे छ । कम्पनीले यसअघि नै आयोजना प्रभावितहरु र वैदेशिक रोजगारीमा गएका नेपालीहरुका लागि लागि आईपीओ बिक्रि गरी बाँडफाँड समेत गरिसकेको छ ।

सीडीएसका अनुसार कम्पनीकाे आईपीओमा पहिलाे दिन बेलुका ५ बजेसम्म २ लाख ८७ हजार ८ सय ५९ जना लगानीकर्ताहरूले ३२ लाख ५८ हजार ४ सय ६० कित्ताका लागि आवेदन दिएका छन् । याे सर्वसाधारणका लागि माग गरिएकाे भन्दा धेरै आवेदन हाे ।

कम्पनीले आफ्नो जारी पूँजी ५० करोड रुपैयाँको १० प्रतिशतले हुन आउने ५ करोड रुपैयाँ बराबरको ५ लाख कित्तामध्ये १० प्रतिशत अर्थात ५० हजार कित्ता वैदेशिक रोजगारीमा रहेको नेपालीहरुलाई, २५ हजार कित्ता सामूहिक लगानी कोषहरुलाई बाँडफाँट गरी २ प्रतिशत अर्थात १० हजार कित्ता सेयर कम्पनीमा कार्यरत कर्मचारीहरुका लागि सुरक्षित गरी बाँकी रहने ४ लाख १५ हजार कित्ता साधारण शेयर सर्वसाधारणका लागि निष्कासन गरेकाे हो।

यस आईपीओमा लगानीकर्ताले न्यूनतम १० कित्तादेखि अधिकतम २० हजार कित्तासम्मका लागि आवेदन दिन सक्नेछन् । लगानीकर्ताले छिटोमा माघ २६ गते गतेसम्म ढीलोमा फागुन ८ गतेसम्म आवेदन दिन सक्नेछन् । 

त्यसैगरी, कम्पनीकाे आईपीओ निष्कासन तथा बिक्री प्रबन्धकमा सानिमा क्यापिटल रहेको छ। लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण आस्वा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन् । यसका साथै मेरो सेयरबाट पनि आवेदन दिन सकिनेछ ।