आइतबार नेप्सेमा भारी अंकको गिरावट, ३ अर्ब ४ करोडमाथिको कारोबार

काठमाडौं । साताको कारोबारको पहिलो दिन आइतबार सेयर बजार भारी अंकले घटेको छ । बिहिबारको तुलनामा नेप्से परिसूचक ६०.७७ अंकले घटेर २१२१.८६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २५३ कम्पनीको ८१ लाख ३९ हजार ८ सय ४० कित्ता सेयर खरिद बिक्री हुँदा ३ अर्ब ४ करोडमाथिको सेयर कारोबार भएको हो । आइतबार सबैभन्दा बढी कारोबार हिमालयन डिष्ट्रिलरीको भएको छ । यस कम्पनीको १४ करोड ३७ लाख ६८ हजार ८ सय ९५ रुपैयाँ बराबरको सेयर कारोबार भएको हो ।

यसैगरी आइतबारको सेयर बजारमा खप्तड लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ४ प्रतिशत भन्दा धेरैले बढेको हो । यस अलावा समलिंग पावर कम्पनी, सयपत्री हाइड्रोपावर, बाराही हाइड्रोपावर, ८.५% नेपाल बैंक डेबेञ्चर २०८७ र नेपाल इन्स्योरेन्सका लगानीकर्ता पनि मालामाल भएका छन् 

यस्तै आइतबारको सेयर बजारमा ङ्गादि ग्रुप पावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । ङ्गादिको सेयरमा यस्तो गिरावट आउँदा हिमालयन पावर पार्टनर, खानीखोला हाइड्रोपावर, ग्रिनलाइफ हाइड्रोपावर र बरुण हाइड्रोपावरमा पनि उच्च गिरावट देखिएको छ