बागलुङमा एक जना पुरुषले आफैमाथि आगो लगाए

Feb 01, 2023 06:18 PM StokeBazar

नेपालमा आत्मदाहको घटना बढ्दै गइरहेको छ । निरन्तर जसो आफैमाथि आगो लगाइरहेको अवस्थामा बुधबार पनि बागलुङमा एक जना पुरुषले आत्मदाहको प्रयास गरेका छन्। बागलुङ नगरपालिका-८, सिगानाका ५२ वर्षीय शेरबहादुर जिसीले घरभित्रै आफूमाथि आगो लगाएका हुन् ।

घरमा कोही नभएको अवस्थामा जिसीले पेट्रोल छर्केर शरीरमा आगो लगाएका थिए। उनको हाल धौलागिरी अस्पतालमा उपचार भइरहेको छ।

यद्यपी उनले आत्मदाहको कोशिष किन गरे भन्ने कारण खुलिसकेको छैन। प्रहरीले घटनाबारे थप अनुसन्धान गरिरहेको बताएको छ।